導演王晶的新片《無價之寶》，除了由栢芝做女主角外，兒子Lucas亦有份演出，亦是他的電影處男作。問到上映時會否找栢芝母子出席宣傳活動？王晶說：「栢芝為家事已經好煩惱，我早有心理準備，冇預佢肯嚟做宣傳，Lucas更加諗都唔使諗！除非栢芝突然心血來潮，帶埋囝囝來幫手，但佢哋肯嚟，大家都好麻煩，所以呢個機會係微乎其微。」王晶表示希望《無》片可於八月中、下旬上映，但何時展開宣傳大計仍有待研究。
