阿倫贈「八字真言」救婚變
譚詠麟（阿倫）前晚以總監身份出席Mr.的演唱會綵排，問到在圈中德高望重的他對霆鋒與栢芝婚變風波有何睇法？他強調絕非講任何人，只是寄語天下間的情侶及夫妻謹記「八字真言」：「凡事太盡，緣分早盡！」還笑言其經典金曲可大派用場，如夫妻或情侶間發生小問題就可以聽《小風波》，但遇「大件事」便要聽《情若冤家一線差》，尤其要仔細咀嚼《情》歌歌詞的意思。
另外，阿倫昨日出席頒獎典禮，與呂良偉獲頒授「榮譽教授」，但呂良偉因忙於在內地拍戲而未能赴會，由太太及兒子代出席，阿倫則有母親及妹妹等陪伴赴會，分享榮升教授的喜悅。
至於霆鋒契妹杜如風昨日出席另一活動，指事件至今仍未有與霆鋒聯絡：「佢有嘢會打畀我。（擔心？）一定有！佢哋兩個對我都好好，家家有本難唸的經，外人管唔到。（關係一直好差？）唔知，亦從來唔察覺。」
譚詠麟以「八字真言」寄語鋒芝，希望出現轉機。