對於謝霆鋒已草擬離婚協議書，律師黃國桐表示霆鋒與栢芝可以透過雙方代表律師作文件往來，雙方亦不用見面。
Q：霆鋒草擬離婚申請書畀栢芝，全個程序係點樣？
A：佢要「派票」畀栢芝，但可以透過雙方嘅律師交收，再睇吓對方有冇異議。不過多數離婚案件中，雙方都係冇反對，大約四個月左右就辦妥個手續。
Q：如果有仔女係咪一定要爭撫養權？身家同贍養費分配又係點？
A：若然雙方喺撫養權、身家或贍養費上嘅分配達唔成共識，其中一方有異議，就需要排期內庭審訊，為期半年左右。若然冇異議嘅話，當然唔需要上庭咁複雜。