施念慈摸DaDa胸證堅料
陳靜（DaDa）、李宥彤（Liz）、梁雅淳（Bambi）、鍾采羲（Iris）和蔡瑩瑩（Ivy）四位師姊妹以學生Look出席 173.asi兒童網站開幕活動，經理人施念慈（Celia）是活動的顧問。提到將於暑假推出寫真，DaDa說：「書展有得賣，希望賣得好啲，我會喺出面搞三場簽名會，書展未必簽到。今次性感尺度同上年月曆差唔多，激過上年本寫真。上年我哋比較守秩序，冇入到書展。」她坦言對潘霜霜和張馨予等內地模的寫真有興趣，DaDa說：「佢哋好勁，但我對自己都有信心，最撐自己係天然，不過唔係話佢哋唔係天然。」
同場的Celia亦力撐旗下模，指曾隔衫摸胸驗證，力證她們全屬真材實料，不怕比較。
DaDa出席活動，與小朋友打成一片。
Celia力撐旗下模特兒真材實料。