傅穎三點式相打星星

傅穎（Theresa）昨日舉行新書預售會，她表示新書並非寫真集，所以不怕o靚模搶生意。問到會否送書給前緋聞男友羅仲謙？她顯得相當避忌，更兩度迴避問題！

傅穎今年再接再厲推出新書《A Time To Love》，昨日便搶先舉辦新書預售會，吸引逾百歌迷到場支持，更毫不忌諱請緋聞男友啤梨（葉文輝）當主持。穿上露肩裝的她大騷長腿，並透露出版商準備了250張預售卡，開售首小時已售罄。Theresa在預售會中展示新書的樣辦，當中更有其三點式照片，但她表示新書並非賣性感，所以故意在三點式照片上打星星，她還表示新書不是寫真集，不擔心o靚模在書展中搶生意。

新書爆情史

Theresa透露繪本散文部分會講述感情事，問到有否提及自己的經歷？她說：「少少自己Idea喺入面，都係大方向，咩都講，鼓勵大家幾唔開心都要樂觀去面對！（感情唔開心？）經歷過，係成長一部分！」問到有否提及前緋聞男友羅仲謙？她只說：「唔會提及！」至於會否送新書給羅仲謙？她兩度避開問題：「今次自己出錢買咗啲書送畀傳媒同埋朋友，希望夠送！（會送畀羅仲謙？）會送畀公司同事！（舊男友呢？）我諗佢哋會自己買嚟支持！」