林珊珊：應速戰速決

林珊珊：自己係過來人，以我經驗最好盡快解決，以小朋友為出發點就最好，當年我辦離婚都有兩個女，律師有建議我哋共同撫養對小朋友最好，希望盡快了結，糾纏落去只有律師會多謝你。

胡定欣：好多人都唔想佢哋分開，佢哋好襯。離離合合咁多年，又有仔女，經歷咗咁多唔容易，希望佢哋可以珍惜大家，亦都希望件事快啲過。

泳兒：螢幕上佢哋好登對，經歷好多嘢先一齊，結局咁，好可惜！（霆鋒話唔知點走落去？）以前甜蜜嘅時光，曾經擁有當係回憶啦！

葛民輝：維持婚姻真係講緣分，仲要時間配合，可能有人因了解而分手，呢啲都冇辦法，唔會擔心啲小朋友，依家時代好開放，小朋友好成熟，反而大人嘅壓力仲大過細蚊仔。

鄭丹瑞：外人好難畀意見，做得成夫婦係緣分，就算緣盡都希望好來好去。

洪卓立：大師兄點決定我都支持，第一日霆鋒發嘅聲明，我睇完都有「銀」住，因為心目中佢哋係金童玉女。

馬賽微博留言：因為太愛了，所以不知道怎麼走下去……希望故事有童話結局，祝福！