過來人羅樂林 互數無補於事
婚姻觸礁的過來人對於鋒芝婚變，各有睇法。謝寧贊成大人應成熟處理，避免令小朋友成為磨心：「就算離婚都唔好搞到關係變差，咁會長遠影響到小朋友嘅心理，對小朋友嘅傷害要減到最低，可能佢哋會話離婚係兩個人嘅事，但其實有咗小朋友就唔只係兩個人嘅事。」
羅樂林表示現今時代，兩夫婦相處不到亦沒有辦法，但分手的大前提是不要傷害小朋友，互數對方不是也沒有用。至於林敏驄直言有緣成為夫婦要好好珍惜，但做不成夫妻亦可以做朋友：「好似我同前妻依家感情仲好過做夫妻嗰陣，總之大家目標一致，要做得到都唔係好難，照顧仔女唔一定要住喺同一屋簷下。」
林敏驄以自己與前妻陳伶俐作例子，坦言雙方仍可做朋友。（資料圖片）
羅樂林最近公開承認結束與陳寶儀的夫妻關係。（資料圖片）