讚處理得體 張家輝：分開唔係悲劇
真情剖白後，霆鋒顯然心情不俗，在台上與拍檔張家輝談笑風生，更自嘲拍攝《財神客棧》時可謂王晶代言人：「因為嗰陣係呢兩、三年最肥嘅期間！」至於張家輝則大讚霆鋒處理得體：「我見佢喺台下一直若有所思，呢個情景係之前未見過嘅！（佢講完都唔知離定唔離？）呢啲嘢可能冇答案，做咩都要留有餘地！」他表示不會過問霆鋒私事，但拍心口做「聆聽者」：「其實兩公婆冇死局，床頭打交床尾和！」其後，他更十足「詩人」上身般發表偉論：「兩公婆曾經相愛要分開唔係悲劇，但如果分開嗰陣講難聽說話就係悲劇！（向佢傳授相處之道？）超！我都唔知點教人！總之我見老婆同個女開心就開心！」
至於王晶則透露知道霆鋒兒子Lucas客串另一新片，其後又在微博表示霆鋒的自白令人動容：「我只有一個想法『你們的選擇必須以孩子的最佳長大環境為優先』。」
霆鋒（右）與張家輝雞啄唔斷，看來心情不俗。