HotCha極速連環Chok
女子組合HotCha成員黎美言（Winkie）、張紋嘉（Crystal）及張惠雅（Regen）除靠歌喉搵食外，還會靠甜美笑容及變化多端的表情吸引男粉絲，找她們接受Chok樣挑戰可謂最合適人選，難怪她們異口同聲說：「Chok樣？易過食生菜啦！」
話口未完三人即時用九秒九速度連Chok幾個古靈精怪表情，果然係「達人」級數，專業程度直逼一眾電視藝員。Crystal說：「Chok樣其實唔淨止對鏡頭咁簡單，應該隨時隨地話Chok就Chok先係最高境界！」Winkie則補充：「Chok之餘仲要令人覺得漫不經意，咁先夠自然唔作狀。」問她們Chok樣有沒有個人心得？Regen即搶答：「梗係有啦！見好多人Chok極都係得幾個樣，我哋平時都會留意電影演員做戲嘅表情，仲要每日對鏡頭練習，尋求新突破！」
HotCha會向電影演員的表情偷師學Chok。
HotCha做Chok樣冇難度，等同食生菜。