Rainbow床戰賣大包疑露股罅

寫真戰績豐富的o靚模Rainbow，今年率領所屬模組合冬甩及FANTASY其他成員推出大堆頭寫真，Rainbow大騷事業線之餘，更惹來露股罅疑雲！

今次o靚模組合冬甩及FANTASY共十女迎寫真戰，擺明「人多蝦人少」，實行大包圍俘虜各路宅男！這本名為《SUMMER LOVER》的寫真以「金木水火土」五行為主題，平均年齡只有十八歲的FANTASY主力Sell青春活力，露事業線的重任則落在師姐Rainbow（胡心諾）、Caroline（朱裕琳）及「E Cup官恩娜」Alina（何綽菲）身上。

Alina送泳衣 宅男攬住瞓

由於部分造型只黐上乳貼，她們在拍攝時要求清場才放心去到盡，其中Rainbow一張瞓床跌帶相更疑似露股罅！她解釋：「有着短褲，應該露唔到股罅，冇咁大贍，露事業線已經係極限！不過有幻想空間都好！」

寫真集共有十個個人封面及一個集體封面，粉絲在書展買齊十一個封面即可獲贈特別版iPhone Case。由於去年書展禁o靚模入場舉行簽名會，經理人Admond今年已打定輸數另覓遊艇舉行，屆時o靚模會與粉絲玩遊戲，又會將寫真中的泳衣洗淨，以抽獎形式送給買了寫真的粉絲。Alina會親自揀定幾套靚泳衣：「佢哋攞返屋企之後可以攬住瞓！（驚唔驚佢哋有非分之想？）唔驚！相信粉絲好有自制能力！」