葉佩雯「芝」佢唔開心
栢芝好友葉佩雯（Grace）前晚聯同梁漢文太太Karen等欣賞酒吧音樂會，她表示與栢芝有見面，指對方拍戲後因患感冒而留港養病。提到外間報道，Grace斥內容誇張，問到栢芝有否因而不開心？她說：「我諗唔多唔少都有，畀人寫到咁。（傳兩公婆部署爭撫養權？）唔方便答呢啲嘢，我Support佢哋，希望兩邊都開心！感情嘢佢冇講我冇問，但唔係外界咁誇張，咁寫對佢都唔太公平！」Grace自言亦有見兩位小朋友，問到兩人有否掛念爸爸？她說：「冇問，唔知！」
身為張豪龍舊愛的模特兒何紫綸（Ann），對於栢芝道盡對霆鋒的不滿，她說：「栢芝一定係百分百盡責好媽媽，點會無端白事出嚟挑釁搞事？（霆鋒係咪栢芝所講唔係好爸爸？）我同霆鋒唔熟。（傳栢芝「陰乾」霆鋒？）識栢芝嘅都知道佢對人好有情義，情願唔食都會畀屋企人嗰啲，話佢貪錢等於係廢話同笑話！」
葉佩雯（右）與梁漢文太太Karen睇騷，自爆曾探望栢芝三母子。
何紫綸撐栢芝係好媽媽，希望外界不要誤會她是貪錢之徒。（資料圖片）