舊愛趙學而盧巧音平反撐霆鋒顧家

謝霆鋒被張栢芝冠以不是好男人罪名，本是人前恩愛的鋒芝卻變成如斯對峙局面，事件不但引起全城嘩然，更令霆鋒的舊愛紛紛出言力撐。認識他十四年的舊愛趙學而，昨日力挺霆鋒是很保護家人的人！另一舊愛盧巧音亦表示支持霆鋒。

自入娛樂圈以來，霆鋒除栢芝外，亦與圈中不少女星拍過拖。他出道未幾便與趙學而發展姊弟戀，當年趙學而因被發現留宿霆鋒家而令戀情曝光，不過這段情維持了兩年便分手，幸兩人再見亦是朋友。得知霆鋒婚姻遇危機，認識霆鋒十四年的舊愛趙學而也有關注事件，昨日她在微博亦有留意霆鋒所發出的沉痛聲明，學而在微博留言為霆鋒說好話：「人家家事我當然不懂！但我認識的他是一個很保護家人的人！這點，我挺！」當她看到好友黃佩霞在微博撐霆鋒時亦大表認同：「霆鋒是一個很聰明、勤奮又有天分的藝人。我們認識於早期的英皇，同一個經理人。看見他的成就很安慰，現在只盼他快樂。」

學而出言撐霆鋒未幾即惹來不少爭論，她立即補充：「童鞋們別激動，我只說了我所認識的，況且我不認識謝太太，人家的事我們沒有權利去評論，這樣子對他們任何一方都很不公平。」

Eric Kwok大感無奈

霆鋒與栢芝相戀前的另一舊愛盧巧音，當年兩人的姊弟戀約維持了一年，昨日盧巧音聽到霆鋒與栢芝決裂大感愕然，她說：「總之無論霆鋒做乜決定都支持佢，希望佢開心！當然希望佢哋白頭到老，但呢啲係佢哋家事，作為霆鋒朋友都唔方便畀意見。（栢芝話霆鋒掛住打機唔理家事？）我唔係好清楚佢屋企嘢，不過大部分男人都鍾意打機o架啦！（霆鋒唔鍾意小朋友？）以前細個就唔知，但相信唔會有父母唔鍾意自己仔女！」

身為霆鋒的好友Eric Kwok大感無奈：「唉，唔知！有咩我會直接同佢哋講！」

梁漢文擔心孩子

霆鋒另一好友梁漢文昨表示，最擔心他們的孩子，不知道二人真正「決裂」原因，近日亦冇聯絡霆鋒：「打去又唔知講咩好，想留Message畀佢叫佢Take Care又好似唔適合，都係唔想打擾佢，家事好難問，佢會知道我哋一班朋友都會支持佢。（有冇先兆？）冇睇到，之前霆鋒拎影帝個慶功上都唔覺有問題。」而對於栢芝直指霆鋒是一個不負責任的爸爸，他力撐好友：「我識嘅霆鋒雖然好鍾意打機，但唔會疏忽小朋友，有時我哋出嚟聚會，雖然佢好Cool咁坐埋一邊，但其實個眼神都一直關注住小朋友！」他並說：「識咗佢咁多年都了解佢為人，我覺得日前嘅報道未必係全部啱，我唔覺得佢係咁囉！」

容祖兒則說：「我睇報道知道霆鋒發聲明，覺得好可惜，希望事件快啲過去。」而Twins說：「霆鋒有咩決定都會支持，最緊要佢開心，咁大個人會識得去處理！」何超儀表示關心好友栢芝：「不過人哋都飛走咗，畀啲空間人啦！（下月開騷請佢哋？）例行會問。」