達明化身棟篤俠為民請命
有「形體動作大師」之稱的張達明，日前殺入旺角，為下月在紅館舉行的棟篤笑熱身，順道聽取民意，快將谷爆的市民想達明為民請命，化身「棟篤俠」鬧爆社會不平事。
達明為了炮製一個最啱香港人口味的《張達明棟篤笑一於做壞旦消暑加料紅館版》，日前專誠落區街訪，他說：「落區可以聽到市民最真嘅心聲，雖然我已經度咗好多熱爆話題：最低工資、高官僭建、塑化劑，連藝人離婚都度埋，講吓啲男藝人要孭起頭家係幾咁辛酸，但既然市民仲有其他嘢想聽：虐貓、香港教育制度咁，我會認真考慮，既然洗碗都有最低工資，我都送番件Tee畀掟橋嘅朋友，留個紀念。」
紅館騷有意義
達明坦言下月25日的紅館騷對他甚有紀念價值：「今次係我第一次個人紅館騷，所以特別有意義，話晒咁大個仔第一次踩入紅館，好期待快啲到開騷日，到時我想叫觀眾玩人浪畀我睇，今次我仲會史無前例同現場觀眾用手機App一齊做表演，所以記得入場前幫部手機叉足電。」
達明處男紅館騷意義重大，將會史無前例與觀眾齊齊用手機App表演。
達明（中）與保鏢殺入旺角。
達明不忘草根階層，送上Tee慰問。
達明為首個紅館棟篤騷落區聽取民意，反應熱烈。