林雋健北上食野味喊驚
前組合Sky成員林雋健有份參演的中央電視台數碼電影《北角》，日前在湖南舉行首映，首次到該地的阿健表現興奮，順道遊覽一番：「同劇組好耐冇見，聚番好開心！我哋都係第一次睇完成齣戲，好感動，全部演員都忍唔住喊！」他表示獲當地宣傳人員熱情款待，晚飯時枱上擺滿蛇、水魚等野味：「總之四隻腳有條尾嘅就拎出嚟食！仲有勁大盤嘅辣椒，都幾驚o架！呢啲香港試唔到，但試一次就夠。」阿健透露接下來會到北京、上海及廣州宣傳電影：「9月上畫後就知道呢齣電影幫唔幫到我喺內地發展，始終內地市場嘅潛力好大。」
