伍佰讚糖兄妹天分高
人氣組合糖兄妹接張敬軒棒，成為網上遊戲全新代言人，並請到前輩伍佰為主題曲《跑出天際》擔任監製，伍佰對兩位師弟妹有讚冇彈：「糖兄是蠻天才的，又會作曲、彈Keyboard，叫他改歌詞，一分鐘就辦妥，糖妹又會唱，把我嚇倒，而且領悟力很高。」
糖妹聽到前輩的讚賞感到受寵若驚：「當初知道要同伍佰老師合作，覺得好緊張，不過原來佢好好人，做事又認真，仲好體諒我哋係新人，成個錄音過程都好愉快。」人氣急升的糖妹成為廣告商寵兒，問她是否豬籠入水？糖妹笑說：「少少啦！但唔夠錢買樓，糖兄話衫鈕就夠錢買喎！哈哈！都係畀多啲家用啦！」
