Mr.操肌開騷慰歌迷
樂隊Mr.將於下月初再踏紅館舉行兩場演唱會，最近五子閉關綵排，晚晚以Band房為家。除積極綵排外，五子還Keep Fit操肌，不過主音Alan表示，未知屆時會否騷肌益歌迷：「我哋都有做Gym，由於我付出體能畀其他成員多少少，因為我要喺台上周圍走，同Fans互動，所以要Keep住跑步練氣，但早排我病咗，搞到個人瘦咗好多，身形『骨巉巉』咁，未知到時騷唔騷肌肉。」Alan又大讚鼓手Tom愈操愈大隻。
此外，雖然唱片市道欠佳，但Mr.仍然年年有碟出，談及兄弟情的新歌《兩大無猜》，亦有不錯的播放率，令五子感到很開心。問到是否成功吸金，Mr.謙稱：「有飯盒食囉！其實我哋賺到錢，都會用番喺音樂方面，好似買新樂器。」
眼鏡：Red Dot
主音Alan因早前抱恙，消瘦了不少。
Mr.五子雖然夾慣夾熟，但仍然積極綵排，務求帶給樂迷新鮮感。