台前幕後一腳踢 何思諺恨攞獎

o靚模「陽光妹」何思諺（Leanne）最近除投身幕後親手拍攝宣傳短片為廣告選舉拉票外，還踏上大銀幕成為影壇新貴，希望在電影圈殺出一條血路。

最近投身幕後接觸剪片工作的「陽光妹」何思諺，早前除替歌手方大同及樂隊Mr.剪花絮片外，還為自己入圍《TVB最受歡迎電視廣告大獎》的「最受歡迎女主角」自製一條宣傳短片，她說︰「原來自己落手落腳拍一條短片好辛苦o架！不過都係一個好好嘅經驗。」問到是否恨攞獎？她笑說︰「梗係想攞啦！因為係一種鼓勵，我每日都叫朋友同Fans上網投我一票，我自己都覺得有啲煩！」

為新片做足功課

Leanne希望廣告商再找她拍第二輯飲品廣告，不忘賣口乖讚廣告商有眼光︰「呢個廣告係一個好好嘅機會，自己咁啱被揀中，所以梗係想拍第二輯啦！不過如果可以唔玩暗戀，做番自己就最好！」

此外，Leanne跟不少模一樣轉型拍戲，最近更斟洽一部新片做影壇新貴，但她對新片大賣關子︰「今次我喺呢部戲嘅角色會有多啲戲份，畀我發揮多啲。」她透露已為角色做足功課，買了不少書回家參考，亦常與兩位o靚模好友蔡穎恩（Evelyn）及陳嘉寶（Anjaylia）分享拍戲經驗，絕不馬虎。