幫貓沖涼受傷 DaDa慘變獨眼龍

積極準備寫真戰的「百果園咪神」陳靜（DaDa），昨日不慎弄傷眼角膜，令其一雙電眼「電力受損」，左眼更腫至難以睜開！

陳靜全力籌備書展寫真戰，又拍攝錢國偉執導的電影《喜愛夜蒲》，頻頻接Job吸金的她昨日在微博透露左眼受傷，更上載求醫的照片。照片中DaDa戴上鴨舌帽，但仍清楚見到她左眼貼上紗布，DaDa表示已睇醫生：「今日唔小心整傷咗眼角膜，睇咗醫生之後喺屋企休息咗成日，大家唔使擔心，我會好好休息令對眼快啲好！」要讓眼睛休息的DaDa，坦言未能出席電影慶功而感到可惜，又表示不想掃大家興，希望大家玩得高興一點，但DaDa換藥時又留言：「眼睛紅腫出現疊影，不安中！」不少網友希望DaDa早日康復，以最佳狀態迎接寫真戰。

雖然慘變「獨眼龍」，DaDa仍不忘應約，偕導演彭浩翔出席電子書訪談聚會，又在微博上載一張架上墨鏡的相，其左眼明顯腫了很多，更睜不開眼，她笑言左眼的傷勢是彭浩翔的傑作「藝術眼」！

傷口痛擔心毀容

其後DaDa回覆本報時說：「幫貓沖涼嗰陣整親囉，當時覺得好痛，都驚毀容o架！之後即刻走去睇醫生，醫生幫我洗完傷口，話冇乜事，應該都唔會留疤痕，但呢幾日就唔可以化妝住，要畀對眼休息吓。」她表示很愛錫貓貓，所以並沒有因為今次的事而怪責牠。