馮德倫提莫文蔚結婚起弶
昨日馮德倫出席Converse發布會，問到有否恭喜舊愛莫文蔚結婚？他說：「喺微博寫咗啦！（依家恭喜佢？）得o架喇！微博寫咗啦！（打畀佢？）有。」問到有否被邀出席婚禮、是否見過其未婚夫？他不耐煩地說：「呢啲唔講喇！（送咩禮物？）尊重今日個活動啦！」談及舊愛情路上修成正果，問到其感情狀況時，他誤以為是問其舊愛，即「起弶」說：「頭先已經講咗啦！我要講都喺微博已經講晒！（問你感情狀況？）冇女朋友。」
同場的李璨琛表示如《怒火街頭》拍續集當然支持，對於劇中的陳敏之十分注目，他說：「佢裸跑成功，雖然用替身，但係螢幕上第一次，如果開續集，唔知佢係咪重生。」他稱未聽過敏之傳婚訊，但坦認跟拍了七、八年的圈外女友明年底結婚，打算在港舉行。
李璨琛（左起）、卓韻芝和馮德倫等出席活動。