郭晉安避陳錦鴻避足十年
陳錦鴻在新劇《團圓》中的嗌交戲中演出過嘈過躁，被網友封做「萬梓良第二」，他昨日與郭晉安及吳卓羲等出席宣傳，席間安仔笑說：「佢不嬲都咁嘈啦！自《創世紀》開始，我避咗佢十年喇！我都叫過佢唔好咁多嘢講。（佢冇聽？）聽就唔會搞到依家咁啦！不過呢啲劇要煲，觀眾要慢慢睇。」
陳錦鴻則表示是跟足劇本去做，並獲導演和監製認同，對於被封「萬梓良第二」，他說：「我唔敢講！（郭晉安話你嘈喎！）哈哈……可能係我本性啩！」
而吳卓羲被問到緋聞女友徐子珊因病缺席，是否被他與張馨予的戀情激病時說：「點會？我同佢係好同事。」
