舊愛約睇恐怖片中巴嘲渣橋
鄺敏慧（中巴）、胡心諾（Rainbow）、梁雅淳（Bambi）及蔡瑩瑩（Ivy）等，昨日到尖沙咀出席有線發布會。中巴與EO2的Osman被要求伸手入內藏白鱔的「恐怖箱」，Ivy和Bambi則「親親」田雞，令她們嗌到拆天！
自言不怕看恐怖片的中巴，踢爆舊男友「屎橋」：「佢哋成日約我睇恐怖片，以為我驚嗰陣會攬住佢哋！」未知是否暗示舊愛崔建邦曾出此招？再問到有否看情慾片？她說：「我鍾意笑片多啲！（睇情慾片都好『開心』！）睇吓同邊個睇囉！」目前單身的中巴坦言，若拍拖定必公開。
此外，已完成商科課程的Rainbow透露，考慮報讀韓語課程，但不打算溝韓國型男。
中巴與EO2的Osman伸手入「恐怖箱」摸白鱔。