兒子被人數 四哥煩爆：唔想理呀！

栢芝助手在微博爆料力數霆鋒，不但霆鋒沒有就事件開腔回應，連謝家上下都沒有正面回應，四哥謝賢更講到明唔想知、唔想理呀！昨日四哥接受電話訪問時說：「唔想知呀！唔想理呀！你知唔知呢個月我聽呢啲電話費幾多錢呀？有咩你Fax畀我啦！（你Fax No.幾多號呀？）我都唔喺香港。」而婷婷的經理人Anna表示婷婷現身在加拿大，故未有回應：「其實婷婷早喺大約八個月前請定假，因為佢要返加拿大出席一個好朋友嘅婚禮，大約會逗留兩星期，由於佢放緊假，所以我唔想打擾佢！」

謝家不欲多談，而身為霆鋒經理人的霍汶希接受本報記者電話訪問時拒回應：「日日有唔同新聞、傳言，日日有路人甲、知情人士，唔需要每樣回應，呢段時間身邊人，甚至當事人回應都唔公平。」她謂自事件甫發生，霆鋒已決定不回應：「當事人又好，身邊人又好，經理人又好，回應都唔公平，霆鋒現階段暫保持緘默。」她謂霆鋒昨日要開工，既然有人在網上發表，相信唔使通知霆鋒都會睇到。另外，昨日她出席林欣彤記者會時澄清霆鋒冇放5日假，因要在吉隆坡Standyby才沒返港探仔，他諗過去北京後返港，可惜安排不到，問到北京宣傳新戲時會否澄清？她說：「冇呢回事！」並指已請6名保鏢免混亂，而霆鋒亦經助手通知栢芝已離港。