袁偉豪自薦演港姐鬥波

(3)許亦妮昨日獲兩位新加入的男嘉賓黎諾懿及袁偉豪點名力讚，大熱之勢更為凌厲，但另一嘉賓羅仲謙卻持相反意見，不甚睇好。

正於台灣拍外景的港姐佳麗昨日冒雨繼續開工，與男嘉賓黎諾懿及袁偉豪移師神木及早前曾發生意外的阿里山小火車取景。意外後對外封閉的小火車，特意為港姐而暫時開放。

梁蔚翎上圍勁添信心

黎諾懿點名指對許亦妮有印象，坦言睇好對方與(5)朱晨麗及(13)蔡慧欣攞獎，但不會因早前與陳庭欣傳緋聞而跟佳麗有所避忌。至於袁偉豪則自爆與許亦妮早已認識，曾經朋友介紹食過Tea，亦看好她能入三甲。對於兩位嘉賓齊齊力撐，問到會否覺得變頂頭大熱，許亦妮說：「唔識講！會用平常心去參加比賽。」另一身材豐滿的(15)梁蔚翎對於再度泳衣上陣，直言信心較大：「之前未試過有咁多相機影住，依家習慣啲。（身材勁有優勢？）選美唔係選身材嘅。」

近日有消息指袁偉豪今次自薦擔任嘉賓，記者致電求證時他也直認不諱，指全靠劇集監製穿針引線。他透露已試泳褲，屆時一展雄「峰」：「呢排都要Keep住身材，唔敢鬆懈。」

另一嘉賓大隻仔羅仲謙前晚趕返港，出席昨日無綫新劇《On Call 36小時》造型宣傳，他表示今日返墾丁繼續為港姐開工，問到睇好哪位佳麗，他說：「較睇好(1)、(2)、(5)、(7)、(8)、(11)、(13)，因為佢哋開始建立自信。（唔揀許亦妮？因為唔係有錢仔？）哈哈！咁我不嬲都自知唔係有錢仔嘅！」