黃婉曼澄清親戚冇《撳錢》
昨日now節目《撳錢》主持黃婉曼（Icy），遭讀者投訴指曾在Facebook透露家屬有參與遊戲，做法違反主持守則，Icy坦言是誤會：「我啲親戚全部喺內地，根本玩唔到《撳錢》，而我嘅直系親人就算答中晒八條都唔會有錢分。」now公關亦證實主持與直系家屬確能參與遊戲，只是不會獲發獎金：「我哋有專人核實得獎者身份，一發現係主持直系親屬即取消資格，大家放心；另外啲主持根本冇可能知道晒啲問題，唔會出現通水情況。」
此外，陳豪昨日與Icy出席活動時，被問到最近頻拍廣告豬籠入水？他坦言酬勞相當好，身體上還有很多地方可以用來拍廣告，但笑言穿泳褲則自愧不如。問到是否及不上黃宗澤？陳豪笑指對方身材好好。至於有否廣告商找他與陳茵媺拍廣告，他說：「未有，我冇所謂，我好Open！」他不諱言在巴西買了手信給對方。
陳豪和黃婉曼即席示範做Facial。