恨執靚八字波 DaDa晒4吋事業線招峰雨

向來胸形招人話柄的陳靜（DaDa）宣布擔任美胸代言人，昨日她以低胸裝大晒4吋事業線，即引來一場大雨，她又直言想把握機會改善「八字波」！

昨日o靚模陳靜（DaDa）到銅鑼灣出席美胸活動，宣布將擔任美胸代言人。DaDa出場後即除去外套，露出手臂及白滑美背，展現收身成效，但最引人注目的當然是其4吋事業線，當她俯身簽名及炮製沙律時效果異常震撼，可謂呼之「肉」出，吸引大批龍友喪拍。DaDa又示範美胸及減手臂運動，呼籲女士照做，而活動期間突然下大雨，可謂「巨雨」撼「巨乳」，認真應景！

六位數代言美胸

上圍34D的DaDa透露以六位數字擔任美胸代言人，並自認「八字生得唔好」：「會做一年，希望可以繼續做！酬勞好滿意！（覺得自己胸形唔靚？）都係，有啲八字，唔夠集中！可能細個冇保養又唔識戴胸圍，今次會好好把握機會，啲療程會做盡啲！（希望個胸變咩形？）正常形狀。」她表示兩個月前做療程，寫真集中的照片亦略見成效：「唔會突然變好，但感覺兩邊胸埋咗，都仲要用Nude Bra嘅。（想要咩Cup？）唔使升，只想要挺啲。」DaDa又表示希望可改善皮膚質素及纖體：「呢排拍戲壓力大，瞓唔到，做美胸療程嗰陣，就可以令我瞓得好好，美容師仲話我有鼻鼾聲！」