高海寧戰衣護體釘走宅男

高海寧昨日谷胸出席記者會,以強勁「事業線」搶盡王淑玲風頭,她笑言一身戰衣勁多釘,不擔心下月現身《動漫節》時會有宅男埋身!

無綫藝員高海寧與王淑玲昨日出席《第十三屆香港動漫電玩節》記者會,並獲委任為「動漫女神」,向來身材有睇頭的高海寧,穿上貼身谷胸戰衣大騷「事業線」,問到會否谷到喘不過氣來,她說:「件衫係公司度身訂造,公司有晒我嘅Size,唔會抖唔到氣,但盔甲上面有好多釘,搞到我條腰一個個印!」記者指她「逼爆」,她笑說:「其實事前有幅設計圖,但出嚟有啲出入,個Bra Top好似短咗咁!」她笑言即使穿上這套服飾出外玩亦很安全,因周圍都是釘!

搭膊頭都難

問到下月會否以這身裝扮出席人頭湧湧的《動漫節》,她表示屆時會有少許改變,至於是否更性感,她說:「冇咁多釘!(個個焦點都喺你胸部!) 唔會唔慣,知要性感。」她笑言會做足安全措施,會場逼爆亦不擔心:「咁多釘唔驚啦!想搭膊頭都埋唔到身。」她又透露昨晨客串電影《勁抽福祿壽》造型更性感:「性感極度犀利,誇張過呢個好多倍!」

影視組

高海寧谷胸戰衣周身釘,性感又劖手!

高海寧與王淑玲(右)獲委任做「動漫女神」。