Sa鋒濕吻家輝爆笑

謝霆鋒與蔡卓妍(阿Sa)在新片《財神客棧》中飾演情侶,兩人更在張家輝及黃奕面前來一個搞笑濕吻,搶鏡程度不輸給齙牙Look的家輝。導演王晶說:「霆鋒同阿Sa係老拍檔,私下好熟落,好有默契,我要阿Sa喺呢套戲度扮一個情竇初開嘅女仔,見到霆鋒飾演嘅少爺即刻一見鍾情,阿Sa演得好自然。」

王晶又讚張家輝的無私,甘心以齙牙醜樣示人,全力搞笑,將有型及瀟灑的部分留給霆鋒發揮,王晶說:「我估唔到張家輝拍黃奕做一對係可以咁有化學作用,家輝雖然係影帝,但喺戲裏面負責扮醜同搞笑,效果出人意表,仲好有九十年代無厘頭風範,實力毋庸置疑。」

霆鋒與阿Sa飾演情侶,有不少對手戲。

張家輝(右一)和黃奕在片中的造型,令人捧腹大笑。