姬蒂與囡囡玩水露皺皮肚
靚佬湯愛妻姬蒂賀姆絲最愛帶囡囡蘇莉周圍去，兩母女前日再出動去邁阿密海灘，但姬蒂與囡囡戲水時，被人拍攝到腹部皺晒皮！
姬蒂日前出席完頒獎禮，前日飛抵邁阿密探望身在當地拍攝新片《Rock of Ages》的老公湯告魯斯班，順道慶祝父親節。而姬蒂趁住老公拍戲期間，帶囡囡到酒店附近海灘戲水降溫。她更除下長袖恤衫露出棗紅色泳衣及短褲並拖實女兒落水，令原本穿上可愛碎花裙仔的蘇莉由頭濕到落腳，但蘇莉仍玩得很開心。抱女兒落水時，姬蒂的腹部十足十老人家一樣皺晒皮，認真倒胃口！連網友亦批評姬蒂只32歲女就已經走晒樣，可能與健身過度有關。
囡囡貴鞋更多
而姬蒂日前亦透露囡囡已準備父親節禮物：「我相信佢會送好嘅禮物畀阿湯，例如衫、書同畫。」
另一方面，姬蒂日前受訪時坦言女兒的貴鞋比她還多，鞋櫃雖被囡囡「霸佔」，但她一點也不介意。