伊健承諾唔會瞞婚
鄭伊健昨日於apm舉行《Beautiful Day Live》DVD簽唱會，吸引不少粉絲撐場！對於莫文蔚宣布結婚，他說：「啱啱同佢拍完戲，佢都冇講拍拖，好神秘，恭喜佢，最緊要開心！（幾時到你？）遲啲先講！（攞獎至公布？）咁要畀心機先！」他坦言不會在個唱上宣布婚訊，更不會瞞婚，屆時一定公告天下！
對於近期不少藝人被偷拍，曾經是受害者的伊健說：「我戥受害者難受，我都試過，除非政府立例監管！」他贊成無綫不准兩本雜誌採訪旗下藝人，還慨嘆曾因被偷影才多次搬屋！他又透露未能成功申請紅館檔期，惟有先做巡唱。至於昨日父親節，他表示每年都會陪父母旅行，女友蒙嘉慧亦會同行。
伊健難得搞簽唱會，吸引不少粉絲貼身支持。