莫母對未來女婿有讚冇彈
莫文蔚脫離「黃金剩女」行列，其母莫何敏儀與哥哥莫里斯都十分開心！莫母昨日接受電話訪問時，對未來女婿讚不絕口，大讚他有學識：「佢係博士，而佢哥哥係律師，父母更加係數學家，家教好好！有禮貌、好Easy、Natural亦唔造作，對人好真，好適合Karen！」她表示早已見過未來女婿幾次：「雖然佢係外國人，不過都識主動去女方屋企見家長！」她更不諱言早知女兒婚訊，一直等適當時機公布。至於婚禮何時舉行？她說：「等小朋友搞，我哋Enjoy就得！」莫里斯則表示未知妹妹婚訊，但提到未來妹夫即笑笑口。
另外，Karen昨晚跟父母及哥哥去紅館捧林子祥場，莫母形容開心到爆，大讚未來女婿好乖，但問到未來女婿曾離婚兼育有3個小朋友？莫母最初笑而避答：「遲啲先講！」但最終表示知道，並覺得無所謂：「仲好Very Good！」
Karen出嫁在即，父母及哥哥最開心！