莫文蔚唔Mind做繼母：慳番添

剛踏入41歲的莫文蔚，前晚自爆10月於意大利出嫁，未婚夫Johannes是其17歲時的德籍初戀男友，早已育有3個小朋友，但她不介意做繼母：「慳番添！」

前晚在台灣金曲獎再度封后的莫文蔚（Karen），在台上High爆宣布婚訊，未婚夫Johannes是其17歲時的德國籍初變男友。據知二人當年在意大利就讀語言學校時認識，拍拖1年，但隨着Karen返港，戀情無疾而終。雖然分開，但仍保持朋友關係，但Karen曾在訪問中表示初戀男友是生活中重要一人，至早年Johannes恢復單身，他們愛火重燃！

或返港補擺喜酒

Karen昨日傍晚在助手陪同下返港，春風滿面的她透露10月在意大利行禮，在他們同窗遊玩時的佛羅倫斯一間教堂，屆時只請好友出席，返港或會補辦喜酒：「好忙呀！婚禮全部都未搞，婚紗畀老友Joanna（何志恩）搞！」問到求婚過程？她表示兩個月前，Johannes在晚飯送上金鑽戒指，她笑說：「幾傻，一啲都唔浪漫！但好開心，佢好似好驚我Say No！」

二人拍拖兩年，前年12月曾被本報拍得Johannes來港跟Karen密會，但當時Karen為保護戀情，堅稱大家是朋友而已，據知Johannes已有3個小朋友，Karen大方地說：「唔介意，慳番添！佢個大女就快入大學，我哋好Friend，幾乎可以撈亂衫嚟着！（生BB？）冇安排，隨意！」婚後她會德國、香港兩邊飛，熱愛工作的她會繼續唱歌。因未婚夫身在德國，不會來港跟她慶祝攞獎：「今日父親節，我會同爹哋食飯！」另外，對於有指07年有雜誌刊登Karen的私人日記，內容透露其初戀分手原因是男方是同性戀。記者致電向她求證時，她哈哈大笑說：「冇啲咁嘅事，係謠言！」

馮德倫凌晨致賀

Karen前晚公布喜訊，舊愛馮德倫昨日凌晨2時，第一時間在微博留言致賀：「我真的很開心，努力了多年，Karen的成績我們都看到，接下來就希望我這位好朋友幸福快樂還有早生孩子。」而Karen另一位舊愛周星馳，其助手表示未能聯絡上星爺。