譚凱琪自製閃爆潮物
近年興起閃石潮，無論電話殼或相機套乜都「閃」一餐，但如果買現成的閃石飾物相當貴，女星譚凱琪（Zoie）近期潮玩自製閃飾，可以慳番一筆兼玩埋獨一無二！她說：「我細個都好鍾意自製潮物，好似以前牛仔褲開始玩破格，會加啲色彩上去，我就用塗改液喺牛仔褲上面畫公仔，出嚟都幾好睇o架！而今年閃石好受歡迎，但啲飾物一有閃石嘅話，通常都會賣貴好多，反而齋買一啲閃石返嚟，就唔會好貴，所以我就喺啲日用品上面，黐啲閃石圖案上去，咁樣咪可以又經濟、又靚囉！而最大一個好處，就係個圖案係獨一無二。」
Zoie最近的作品是一個鏡盒，上面黐了一隻大閃石蝴蝶，十分漂亮，她說：「我仲黐緊一個電話殼添！（手上嘅閃石蝴蝶戒指都係自製？）都係人手造，但唔係我整，係我朋友送畀我嘅。」
譚凱琪自製蝴蝶閃石鏡盒，不怕與別人撞款。
譚凱琪大騷手上的閃石蝴蝶戒指。