諸葛公主改名「紫岐」

名模諸葛梓岐（Marie）昨日在微博公布改名為諸葛紫岐，惹人關注！Marie昨日接受電話訪問時表示，近日認識了一位大師，才令她有改名之意：「我哋傾開偈，佢突然問我係咪成日頭痛，話個『梓』字對我身體唔好！確實我真係成日病喎！改為『紫』字會健康啲，個人咩都好啲，我會連身份證都改埋！（男友薛嘉麟有冇反對？）佢冇，只要我身體好，佢咩都唔介意！」

計劃9月再攻日

身在台灣跟藍正龍及楊謹華拍新劇《幸福三顆星》的Marie，大讚外表甚Cool的藍正龍，其實非常親民：「佢知我第一次拍劇，所以成日同我對戲，叫我唔好咁緊張！（怕唔怕傳緋聞？）哈哈！佢對台前幕後都好好，一定唔會！」她表示早前因地震而未有到日本宣傳新歌，預計9月再度攻日。

工作之餘，Marie近日到書店買了20多本學焗蛋糕及日文的書籍，本是烹調高手的她笑言，返港休息後會為男友炮製愛心蛋糕。另外，她早前與戚黛黛到韓國拍攝旅遊節目，除了到處觀光外，更於列車上分享戀愛態度。