(13)蔡慧欣胸殺(3)許亦妮

十四位候選港姐首次穿泳裝亮相，(3)許亦妮露出大隻身材及粗腰，慘被(13)蔡慧欣成功「胸襲」！

十四位候選港姐繼續外景之旅，昨日首次以三點式泳裝見傳媒，在台北宜蘭「包起」一所酒店拍攝，現場陽光猛烈，佳麗連眼睛也睜不大，但仍自信地擺甫士拍照。

參選以來新聞多多的(3)許亦妮，以35吋上圍稱霸，但昨日所見身材未有想像中澎湃，而且頗為大隻及粗腰。至於另一大熱(5)朱晨麗身形平均之餘亦是有料之人。同場還有多位佳麗乘勢搶「峰」頭，當中34.5吋上圍的(13)蔡慧欣最為「胸湧」，出現泳衣包唔住咪咪的場面，可惜她甚為騰雞，緊張得不停眨眼及反白眼，(10)李天縱努力谷出Y字胸，並自信地不停轉甫士，(15)梁蔚翎亦奇「峰」突出，(7)胡中慧則身形平均兼有長腿。

曬到反白眼

雖然被發現有粗腰，但許亦妮表示對身材頗滿意：「滿意，但再瘦啲會更好，會做多啲運動，唔食嘢齋飲水。」問到會否覺得被其他佳麗比下去？她即說：「係呀？唔覺得喎！咁每個女仔都好有自信。」對於有指被其他佳麗杯葛，她說：「唔係，你問其他女仔都會答唔係。」至於朱晨麗受訪時，則問一句答一句，神態呆滯，她表示因傷風感冒身體不適，但仍讚其他佳麗身形均勻，最睇好(4)林慧倩，提到肚臍出現疑似臍環痕迹，她解釋其實是癦。

緊張反白眼的蔡慧欣死撐是因陽光太猛烈，當她被讚身材豐滿時，即開心地說：「唔該晒！我都好滿意！（會唔會唔習慣？）唔會，去沙灘都係咁着啦！（心水？）(1)甄敏婷，佢冇肚腩。」以普通話對答的李天縱自認有信心，因事前已學習行路及擺甫士，問到跟許亦妮身材如何比較？她說：「冇得比較，我身材好係遺傳自阿媽。」

此外，寇鴻萍女兒唐貝詩與唐貝欣昨日出席時裝店開幕，對有傳準港姐(3)許亦妮的前男友孔樂勤是其的緋聞男友，唐貝詩為自己及對方澄清：「我同許亦妮係好朋友，佢從來無同孔樂勤拍拖，我都冇。個女仔好專一。（佢同有錢仔拍拖﹖）朋友咩背景都有，我唔覺佢貪錢。」