林子祥擺陳年「窿」事上台

殿堂歌手林子祥（阿Lam）前晚於紅館開騷，憑歌向多位故友致敬，更站在升降台上自嘲當年在紅館失足墮窿一事：「03年好黑，好多朋友離開咗，差啲我都……我都唔敢睇番（墮窿片段），今日我企番喺度升番上去！」騷後他坦言不敢看網上片段，問到是否有陰影？他說：「向來有畏高！（特登冇乜機關？）唔係！演唱會在乎音樂，唔係幾多機關！」台上他與粉絲預祝父親節，大晒五代家族照兼歌頌父愛，但因感觸而3度重起音樂，隨後又攬實母親！問到甩嘴？他說：「係感情，觀眾明白嘅！（老婆葉蒨文冇上台？）第一場佢喺控制台，好多嘢做！」

阿Lam站在升降台上高歌，其後更一度嗚咽。