鍾楚紅偏愛法國 食物有機猛男No Way
鍾楚紅、劉青雲、Ana R.、Amanda S.、馬詩慧、黃佩霞、薛凱琪及方大同等前晚參加法國時裝品牌agnès b.秋冬時裝匯演及派對，紅姑直言喜歡法國事物，但不包括法國猛男。
紅姑每年都會到法國一、兩次，每次逗留個多月，但否認在當地有物業：「我冇，但好多朋友都有，我鍾意去當地買餸煮飯，食物全部都係有機。」提到法國猛男，她即說：「冇諗，喺法國太多嘢做，冇試過鍾意法國猛男。（試過被搭訕？）佢哋好欣賞女性，對個個女人都鍾意。（太熱情嚇親你？）唔會對我好熱情，你哋唔好咁睇得起我。」
同場的劉青雲大讚紅姑的電影作品，尤其是她與周潤發合作的《秋天的童話》最為經典：「佢哋真係冇得頂，如果佢哋再合作，我一定睇。」
劉青雲有如小戲迷般，大讚紅姑昔日電影作品。
繼續與方大同結伴的薛凱琪打扮密實，不怕再被指胸墊移位變「高低波」。
黃佩霞（右二）與馬詩慧（左一）帶女兒睇騷。
Ana R.
Ana R.與Amanda S.打扮靚靚赴派對。