張繼聰一機在手邊走邊Jam歌

香港人最愛方便，工作繁忙的藝人，自然格外講求效率！不少歌手愛用手機軟件，張繼聰利用手機錄製新樂曲，每當有靈感就可隨時隨地記錄下來。至於兄妹組合Benji & Lesley成員姜文杰及姜麗文則非常關注愛犬的健康，因此極力推介集合了狗隻病徵的手機軟件。

Dog Emergency Lite

價錢﹕免費

軟件提供多種狗隻日常病徵，如嘔吐、發燒及受傷徵狀，讓狗主遇到愛犬有異常情況時能有初步認知。軟件還提供多種解決方法，令狗主運用最簡單快捷方法幫助愛犬。

Lesley﹕「狗仔健康對我哋嚟講好緊要！原來狗仔飲少咗水都可能係有病，有咗呢個軟件方便好多，狗仔有咩問題都大概知道咩事！」

Benji ﹕「唔只狗仔，呢個軟件仲有好多版本畀養唔同寵物嘅用家，連蛇同人都有，好全面！」

ThumbJam

價錢﹕6.99美元

利用手指及聲音Jam歌及模擬樂器的軟件，玩家可用手指在手機屏幕上打拍子或唱出想錄低的旋律，軟件會把錄下的節拍及旋律轉化成不同類型樂器的聲音及結合成歌曲，已製成的歌曲還可以Share到手機的社交軟件。

張繼聰 ﹕「雖然軟件較貴，不過佢最正嘅地方係行到邊都可以錄歌，一有音樂靈感就可以拎起手機錄！佢仲可以轉化人聲唱嘅部分，變成唔同嘅樂器聲，真係好似帶咗隊Band出街咁！」