Vilian@冬甩曾被導演毛手毛腳
組合冬甩（Donut）的四位成員Ice、Vilian、Elke及Alina與Fantasy的三位成員Tina、Comi及Cammi，昨日出席麗星郵輪宣傳活動。Alina穿上泳衣Top行騷兼玩遊戲，搶盡風頭，問到是否因身材好而不介意性感？她說：「都係，呢個係我優點。（特登着細一個碼嘅泳衣？）唔係特登，件衫係贊助商揀，呢件已經最合身，其他仲細件。」對於最近有模涉被非禮，Vilian自爆曾遇類似經歷：「有個導演暗示要以性關係換取角色，我接受唔到。佢仲對我摸手摸腳，因為喺公眾場所，佢冇進一步行動。」她透露當年僅17歲，因怕尷尬而未有報警，但若現時再發生必定舉報對方。
另外，Fantasy首次表演跳舞，舞姿挑逗出位，她們稱由Tina花三周時間構思，但只得一日練習。同場的香港先生白健恩大讚三女舞技，並希望合作。
Alina穿上泳衣後身材逼爆，她坦言不介意行性感。
Vilian自爆曾被導演毛手毛腳。