杏兒擔心黃宗澤：「喺屋企好慘好似坐監」
日前黃宗澤（Bosco）在家慘遭偷拍全裸照後，昨日缺席邵氏新片《勁抽福祿壽》開鏡拜神活動，女友胡杏兒亦甚覺難堪，昨日開工時忍不住呵番Bosco！不過，愁爆的Bosco在微博向各方好友「報平安」，還希望大家別動氣，現時正平復心情，多謝大家關心及關注。
至於一身古裝打扮返電視城開工的胡杏兒亦力撐男友：「好無奈！唔知講咩好，都畀人睇晒！（無綫封殺佢哋？）都唔係封一世，我都好擔心Bosco唔開心，但都見佢都OK，希望佢哋唔好再影。Bosco依家喺屋企好慘好似坐監，要閃閃縮縮！」
《勁》片雖然沒有Bosco，但曾志偉、「福祿壽」、張可頤、高海寧、陳美詩與息影「鬼后」王小鳳等出席宣傳撐場。對於Bosco在寓所被偷拍全裸照，志偉強調雖然藝人「食得鹹魚抵得渴」，但在家中換衫是天經地義，偷拍行為實在不可取。
胡杏兒擔心黃宗澤心情低落，希望偷拍的傳媒不要再騷擾。
黃宗澤被偷拍後嚇到唔敢出街，連新片拜神儀式亦要缺席，只得志偉等撐場！