李泳漢出信要求道歉
前無綫藝人李泳漢亦曾遭《FACE》偷拍，更被指有易服癖，令他大感憤怒，其母施明更嬲到血壓飆升！泳漢昨日與拍拖個多月的女友YoYo受訪，直斥報道失實：「啲嘢完全唔真實！我可以好大聲咁講我冇易服癖，嗰件衫係外國款嘅睡衣！裏面（周刊）所有新聞包括追王喜、迷戀阿嬌（鍾欣桐）同禿髮都係冇事實根據！新聞出街後，我一入男廁啲人就避開我，我好傷！」他又指前女友因輿論及友儕壓力而分手：「我好多謝YoYo企出嚟支持我！」
他表示昨日已發律師信予該雜誌，強烈要求對方刊登道歉啟事，還要求刪除所有關於他的失實報道：「如果佢哋七日內冇回覆，我同律師會有進一步行動！」
李泳漢在女友陪同下反擊易服癖報道，要求對方道歉。