Alina被要求剝衫接吻

o靚模在Casting期間涉嫌受到無禮對待愈爆愈多。組合Donut成員何綽菲（Alina），曾在Casting期間被要求脫衣及接吻。

組合Donut成員「E Cup官恩娜」何綽菲（Alina），前晚在其他成員Ice、Rainbow、Villian及Elke陪同下出席電影《綠燈俠》首映，她披露入行前曾到模特兒公司Casting：「填表格時問我最性感程度可以點，我填咗可以背部半裸，結果佢要我即場示範，我即時拒絕，但佢就話如果佢唔睇過又點介紹工作畀我做，會好難說服客人。」擾攘近兩小時她都不肯屈服。

「拍戲就要大膽啲」

記者昨日再聯絡Alina，她表示從報章上認得當日游說她脫衣的正是新聞中所報道的A君：「件事係發生喺四年前，我當時得十六歲，當時見嘅就係佢。當時佢話如果要拍戲就要大膽啲，又問我可唔可以Kiss，我話如果拍戲就可以，佢立即問我可唔可以Kiss畀佢睇，我反問點樣Kiss，佢就冇答。」她指當時以約了朋友為由脫身，事後對方不斷致電要求再「面試」，但她沒有再理會。

松岡李那遭癡漢非禮

另一邊廂，日籍女模松岡李那與羅仲謙出席BeLLE鞋店開幕活動時，透露曾在日本的火車上被癡漢偷拍裙底，前後被非禮過三次，當中有兩次被摸屁股，三次都即時報警。