林峯默認失敗標冷汗

林峯和吳卓羲（Ron）兩位「沙煲兄弟」，同樣搭上內地性感女星，林峯爆出與潘霜霜「Chok爆床照」，阿Ron私會「35F足球寶貝」張馨予斷正，難怪感同身受的林峯自嘲：「冇資格畀意見！」

林峯昨日以一身紅色Look為下月紅館演唱會排舞，無綫高層樂易玲和英皇行政總裁吳雨專誠探班，並公布個唱再添下月29日一場共三場，林峯希望反應好會再加場。「Chok王」林峯與舞蹈員又唱又跳新歌《Chok》，他表示今次個唱每Part都有勁歌熱舞，笑言歌詞可看字幕，但舞步惟有死記。林峯透露最想張學友睇騷，故早已準備門票給對方。其好兄弟Ron被拍得在機場接緋聞女友張馨予，問到會否預留兩張飛給他們？林峯說：「我唔知。（冇睇報道？）冇睇呀！」

「唔好玩我啦！」

早前林峯被爆與內地女星潘霜霜的床照，問到會否向阿Ron提供意見？林峯說：「冇乜資格畀意見！（因為你都係失敗者？）唔好玩我啦！」他即時滿頭大汗，再問到可否過幾招給阿Ron？林峯即扯開話題說：「邊方面？演唱會我啲朋友都會嚟睇……」而一直有指潘霜霜與張馨予是好朋友，林峯則稱不知道，與阿Ron經常一大班男人食飯，好兄弟一切在心中。至於會否怕阿Ron步他後塵？林峯尷尬笑說：「多謝晒。」