英皇發聲明還嬌清白

鍾欣桐（阿嬌）無辜捲入鋒芝婚變風波！昨日有雜誌指阿嬌去年底拍戲時曾探謝霆鋒班、並半夜致電霆鋒，令張栢芝不滿！英皇昨日發聲明力斥報道失實，阿嬌亦大感無辜，誓要討回公道。

霆鋒和栢芝婚變風波擾攘多時，昨日《壹週刊》竟拉埋阿嬌落水，指阿嬌去年底在橫店主動探霆鋒班，又指她曾在半夜致電霆鋒傾偈，令栢芝大感不滿！英皇昨日發表嚴正聲明，力斥報道失實、憑空捏造，並保留追究其法律責任的權利。阿嬌昨日受訪時說：「明白呢件事好多傳媒有唔同報道同揣測，創造好多唔同古仔吸引讀者，但夾硬加我呢個角色喺裏面，好無辜，對我唔公平，自己全副精神努力工作，做好唱片同電視、電影，加呢個角色對我好大影響，公司發聲明要還我一個公道，自己一直好低調唔反駁，但今次真係影響聲譽。」據知，阿嬌當日根本沒有探霆鋒班，當時她正拍攝《翡翠明珠》，湊巧鄰近有《新少林寺》廠景，工作人員叫阿嬌帶他們去看廠景，霆鋒當時不在場。

阿Sa護嬌證冇探班

而蔡卓妍（阿Sa）亦力挺阿嬌，指報道是故事一則：「識我哋嘅都知我哋同霆鋒、栢芝係好朋友，佢哋係大哥哥同姐姐，極度錫我哋，栢芝會攞護膚品送畀阿嬌，報道係呃啲唔識我哋嘅人，公司已發聲明澄清。」

阿Sa表示甚少聯絡鋒芝，還踢爆霆鋒不聽電話：「平時經佢助手搵佢，唔知佢部電話要嚟做乜。」她力證阿嬌沒有探霆鋒班；至於有否跟進鋒芝婚變？她說：「朋友嘅嘢唔應該追問。（對上一次幾時見栢芝？）半年前。」