Jeana瞓身救波拗柴
電影《熱浪球愛戰》除了由周秀娜、傅穎及Jessica C.主演外，亦有人氣急升的Jeana（何佩瑜）、Hidy（余曉彤）及Rika（王麗嘉）參演，三人穿上比堅尼大玩沙排，場面Hot爆！她們於拍攝前接受三個月體能及球技訓練，相當艱苦，Jeana笑言是「有血有汗」：「有場戲我要起跳擋球，落地就扭傷腳，腳眼腫晒！（拍親熱戲係咪舒服啲？）仲使講，呢次真係有付出！」相反Hidy及Rika因有打排球經驗，故較手到拿來，Rika說：「飛身插入沙度感覺好爽，雖然刮到條腰損晒，但係預咗！」
Jeana表示因擋球跌落地，導致扭傷腳。
Rika（左起）、Jeana和Hidy，穿上比堅尼鬥波。