發哥拒致電拉姑 志偉身家畀晒老婆

對於「鋒芝」面臨婚變，各方好友相繼開腔力撐兩人。周潤發和發嫂陳薈蓮昨午由北京返香港，發哥甫見大班記者即笑笑口說：「仲未等到呀？」不過當記者問發哥可有新招過給謝霆鋒？發哥即避忌表示不理這些事，亦不會私下致電狄波拉。而曾志偉昨日出席活動時表示，夫妻之間外人不易明白，更大讚霆鋒是一位明白事理的人，問他是否畀晒身家老婆？他說：「一早畀晒佢，自己賺幾多使幾多，四十歲之後就冇儲錢，唔想做『守財奴』！」

至於栢芝御用化妝師兼好友Rick Chin昨日出席旅遊分享會，他力撐栢芝並非貪錢之人，對朋友出手闊綽，動輒送十多萬禮物。

他表示一直有跟栢芝聯絡，得知對方如常工作，他相信鋒芝經歷不少，必有方法解決：「冇人瞓喺佢哋床下底，所以任何人都唔可以出聲。我最心痛係講到栢芝好貪心咁，我識佢咁多年，佢送畀我嘅嘢真係數唔晒，佢會叫你送件二千蚊嘅衫畀佢，但佢會十倍奉還，送番隻十幾萬嘅錶畀你，呢個係我親身經歷，我嘅名錶靚衫都係佢送，佢又點會係一個計較錢嘅人呢！」