姚予晴「催」生混血靚BB

模界近年喜事重重，不少人得知周汶錡的婚訊均感驚訝，其中姚予晴卻稱未聽過：「如果係真嘅話就好，佢哋拍咗拖好多年，生活性格上應該冇問題。（見過佢男友？）幾年前大家食過飯，嗰時佢哋先啱啱拍拖，食飯時互相夾餸，好Sweet！若果將來生個混血兒BB會好得意。」而陳嘉容因不是常見面，同樣未知婚訊：「我都係睇報紙先知佢結婚嘅傳聞。（佢近排好開心？）佢不嬲都咁開心。（羨慕佢？）每個人結婚都羨慕，都戥佢開心，佢同男友係俊男美女，將來生個中法混血兒，好似Amanda S.咁靚就好！」至於楊崢則讚兩人登對：「佢哋拍拖咗好耐，結婚都唔出奇，佢哋男才女貌好登對。」

姚予晴讚周汶錡與男友勁夾，望兩人趕快「生番件」。