「情敵」張苡澂嫁富二代生埋仔
前歌手張苡澂（Venus）曾與周汶錡未婚夫Julien在街頭激咀斷正，但她去年突然閃電下嫁內地宋姓富商Michael，還選擇在周汶錡生日當日結婚。對於Julien明年辦喜事，Venus在電話中恭喜對方：「我哋好耐冇見，只係一個月前見Julien匆匆忙忙上去一間酒吧飲嘢，都冇打招呼。（佢哋傳結婚你知唔知？）係咪恭喜佢囉！相識一場，希望大家都開心。（請你飲去唔去？）我喺上海生活，唔會專登返嚟。」
搶先周汶錡搵到好歸宿的她透露已榮升媽媽：「小朋友已經兩個幾月大，係男仔嚟！依家除咗湊BB之外，仲搞咗一間文化傳媒公司，會繼續工作，唔擔心大家唔接受，因為一個女人如果唔結婚、唔生仔，唔算係一個完整女人。（老公係富二代？）OK啦！佢係麻省理工博士，讀書幾叻，我依家生活安定。」
張苡澂閃電下嫁富商兼生仔，一家三口勁幸福。