鄭融懷疑劉浩龍JM有景轟

鄭融與前緋聞男友劉浩龍分手多時，但兩人關係仍然友好，自認八卦的她透露第一時間向浩龍求證和Janice Man（文詠珊）的緋聞，還深信他們「有景轟」！

鄭融、周柏豪昨日出席《選民登記開幕禮2011》活動。鄭融被問到前緋聞男友劉浩龍和JM吃火鍋而傳緋聞，她說：「我有打電話畀浩龍，佢話唔係，但我覺得單獨食飯，實有啲嘢惹人幻想囉！」她透露浩龍很久沒有拍拖，故希望盡快搵個好女仔談戀愛。問到舊愛有新歡可有酸溜溜感覺？她說：「點會呀？我同佢做到朋友。」

柏豪對Miki表關心

鄭融將於父親節在九展舉行音樂會，現時最頭痛是請嘉賓，她說：「我同柏豪嗰首合唱歌《一事無成》係必唱，但佢係『四大』（唱片公司）嘅歌手，所以我公司話唔可以請佢。（考慮其他嘉賓？）諗過請張智霖、側田同劉浩龍，可惜佢哋都有工作。（會唔會請老外男友上台？）唔好玩啦！教佢唱，我諗要7至8年時間！」

另外，柏豪對被傳介入永安百貨太子爺郭永淳婚姻的楊愛瑾（Miki）表示關心，日前與Miki聯絡，覺得她無異樣，反而朋友戥她不值，他又讚郭永淳發信維護Miki做得對，他說：「身為男人應該企出嚟，咁對Miki公平啲。」