聞退選港姐似樂易玲 嘉穎:咁都唔差喎!

無綫一年一度的選美盛事未正式舉行,已有一名候選佳麗王冠退選,身為無綫親生仔的鄭嘉穎,昨日得悉該佳麗貌似高層樂易玲,即賣口乖大讚:「似樂小姐都唔差喎!」

鄭嘉穎、胡杏兒及陳敏之等昨日為新劇《怒火街頭》宣傳,正忙於拍攝劇集《拳王》的嘉穎,透露日前收工後跑步Keep Fit途中發生意外:「嗰陣好黑,跑跑吓跌親!踩住塊木板,剷走埋我啲皮!咁夜冇人救,惟有搵紗布包住,第二日先睇醫生囉!」

杏兒讚「D Cup GiGi」靚

談到今年港姐有候選佳麗王冠退選,嘉穎與杏兒也大嘆可惜,嘉穎向傳媒問該佳麗漂亮與否時,得悉對方貌似樂小姐即笑說:「咁似樂小姐都唔差喎!」而選美出身的杏兒,表示當年的訓練辛苦得令其體重跌至102磅,但就從未想過退選,又向師妹教路:「形象好緊要!((3)許亦妮好多是非!)佢好多男朋友嘛!不過佢都幾靚!」

另外,一名自稱與候選港姐「D Cup GiGi」(3)許亦妮相熟的讀者「英國朋友」昨日報料,澄清許亦妮不吸煙、沒整容及沒充大頭鬼!又指其實是一名在英國居住的內地女子不斷「作料」玩死許亦妮,令她三甲無望。

影視組

嘉穎賣口乖,讚貌似樂易玲的退選港姐王冠靚。

與胡杏兒(左)相當老友的陳敏之,為配合劇中鳳姐角色,近期常大騷長腿。

林子善與沈卓盈重演親吻戲時真的吻了下去,嚇得伊人呱呱叫。