熱情掃褲超無奈　「alainmikli」望陳嘉桓不要介意

陳嘉桓（Rose）大前晚出席活動，與著名眼鏡設計師Alain Miklitarian合照時被熱情掃褲邊，昨晨以「alainmikli香港」署名的微博上載有關合照，並寫上：「Rose，我們的mikli先生太貪玩了！希望你不要介意。」雖然未知Rose有否看到留言，但她昨午在微博寫上：「發生這樣的事情，對女生來說……真是大感無奈！謝謝大家的關心。」

至於Rose經理人公司老闆冼國林認為Alain應正式道歉：「既然個設計師嘅同事都喺微博咁寫，即係佢哋都知道咁做係傷害咗個細路女，我認為無論係冇心定係玩，都唔應該咁做！個設計師應該以佢名義或者授權，正式親自道歉！」他表示事發後未有與Rose聯絡：「我都好唔開心，唔想令佢更唔開心同有壓力。（追究行動？）暫時唔評論，睇事態發展點。」

周美鳳叫請食飯

另外，負責是次活動公關工作的周美鳳說：「我估佢（Alain）之前飲咗酒，當日佢男男女女都攬，佢同我合照時突然伸手攬住我胸部以下位置，佢份人好熱情，Feel到唔係惡意，但我會轉達畀佢聽，叫佢下次唔好，亞洲人係保守啲，同埋要佢請番Rose同我食飯！」